#فضيحة_الأسبوع: بخصوص فضيحة مبارحة، مش عارف من وين بلّش فيها لبلّش! لول! بلّشت الخبريّة لمّا شخص “مْحبّ” من اللي كانوا موجودين بقهوة الـ”كابوتشينو” بمنطقة أنطلياس (بِتْحفّظ عن نشر إسمه) بعت صورة للفنانة القمر مْصَوّر فيها عشيقها السوري السابق المليونير “ما غيره” مع بنت قمر أكتر منها بكتير هنّي وقاعدين سوا tête à tête بالقهوة، وما في دقايق معدودة ما بيشوفوا هالمتواجدين بالقهوة غير هالفنانة طاحشة بهالمحلّ بكلّ ما فيها من تفحيل ورخص وزقاقيّة مباشرةً عالطاولة اللي قاعد فيها الزلمي مع البنت، هي وعم بتصرّخ وتْوَلْوِل وتسبّ بأبشع العبارات والمسبّات! الطاولة انقلبت فوقاني تحتاني وفنانتنا تْأربطت بشعر البنت وربّ ربكن إذا بعد في شي بيخلّيها تفكّ عن شعرها! اتلمّوا رجال القهوة كلّها ليشيلوها عن البنت وعن الرجّال ولا حدا كان يقدرلها!! إنّو بالأخير ما تقولوا غير بنت شارع! شو مُنتظر منها أصلًا!! والأهمّ إنّو صارت تصرخ وتِتّهم الزلمي بإنّه ضد النظام السوري وإنّو هو داعشي! لووول!! عأساس هي “حمامة سلام”!! هاها!! وأكيد عدا التسبسب الرخيص والزقاقي! الجميع كان مصدوم من ضمنن الفنانة ميليسا اللي كانت متواجدة مع الملحّن جان صليبا واللي جرّبت تتدخّل لتروّق “الفنانة” إلّا انو فضّلت تبقى بعيدة ولو شوي قبل ما يلحقها شي طرطوشة أو شي كفّ أو شي حلشة! هاها!! أمّا الإعلامية ألين وطفا اللي ساقبت كمان وكانت متواجدة بهالقهوة، فبقيت بعيدة كلّ البعد عن هالمسخرة وهالدراما الفضائحيّة كلّها سوا! صدقوني يا جماعة الحكي مش متل الشوفة خاصة إنوّ فيديو مبارحة اللي خايف الجميع إنّو يتسرّب لبرّا من لحظتها هو ومعي إلّا إنّي بتحفّظ عن نشره إحترامًا للمصدر يلّي سلّمني ياه واتمنّى عليّ عدم نشره! وأنا بكلّ صراحة مصادري وطلباتن عندي ما هي إلّا أوامر وشي مقدّس عندي! بس هيدا ما بيمنع إنّي ما زلت عم عيد وإتفرّج على هالفيديو/المسخرة أنا وأصحابي المقرّبين ونضحك من قلبنا لأن فعلًا كلّ شي واضح فيه بالتفاصيل المملّة وتحيّة كبيرة للمصوّر البروفاشينيل اللي صوّره! هاها!! طبعًا لهالفضيحة تتمّة بتابعكن فيها تباعًا حسب شو ممكن يجيني من مستجدّات طارئة!!