|
|
|
#آخر_خبر: زمطت #اليسا وقدرت تدخل #دبي من شوي كرمال سهرتها بكرا بمناسبة عيد راس السنة اللي كان عليها خطر إنّها “تِتْكَنْسَلْ” من بعد ما شغّلولها ألف واسطة وواسطة بما إنّو ما كان بعد انعطالها الفيزا لحديد هلّأ! بس غريب ليه ما كان بدّن يعطوها ياها مع العلم إنّها بتضلّها رايحة جاية من هونيك!! على كلٍّ الحمدلله على سلامتك ألّوس! وانشالله مْوفقَة بحفلة بكرا.. #مواه
Wallah you can’t look any shittier ya Tante Ghada!! You should wear a short black dress with the boots or at least a black legging! You ruined the style of the boots with this catastrophic look
بس الأهم، حدا بس يُخْبُطْني عراسي ويخبّرني ليه عم بحكيلها كلّ هالشي وعذّب قلبي بالـanglais وهيّي يا دوب تفهم عليّي باللبناني! #لول آخ عليّي! #اتركوني_بهمّي!! هاها!! #تعتير_توتال
أوبس!! على سيرة #هيفا انسينا يا جماعة انهنّيها بولادة حفيدتها الثانية رانيا بهيدا الشهر! انشالله بتربى بعزّ أهلها هي وأختها رهف اللي قريبًا بيصير عمرها خمس سنين.. بس بيناتنا عبالي أعرف إذا طالعة رانيا بتشبه ستّها ولّا لأ، لأن عند أختها الكبيرة الشبه لستّها ما كان كتير واضح.. بس بصراحة، #كلمة_الحق_تقال: يا هيك تيتا!! يا بلا!!
#هيفا، كسلطانة “حاف” بلا ولا أيّ كلمة زيادة، على راسي!! و#مش_غلط أبدًا! وفيكن إذا بدكن يا فانز ولحتى تضلكن بنفس الأجواء الشاعريّة تزيدوا على كلمة “سلطانة”.. سلطانة أي شي تاني وتالت ورابع.. المهم يكون على ذوقكن لأنّنا ما رح نختلف عليه.. بس إنكن تُخُبْطونا بصفة “سلطانة الطرب” فرد مرّة، بفتكر ساعتها إنّو #بدنا_نروق، وكتييييير كمان!! #لول مش كرمال شي يا حبايبي، بس لحتّى ما تزعل منكن “#فلّة“! هيدا أوّلًا، وتانيًا تشفّعًا فينا نحنا هالجمهور الطويل العريض المعتّر لحتى نقدر نبلعها لهالصفة “الشرسة” ونستوعبها ضمن العقل والمنطق! #مش_أكتر لأنّو، وحياة الطرب وأربابه، “تْشَرْدقنا” لمّا اقرينا هالوصف! هاها!! #يا_لطيف_ألطف وعلى سيرة الطرب، إنتوا سمعتوا شي “حرّمت أحبّك” للمرحومة وردة بصوت هيفا؟ #لول ليلّي ما سمعها، يسمعها بليز ويردّ عليّ خبر..
| © 2021 eliebassil.com - All Rights Reserved. |
