!It’s like so #Haifa
من مبارحة لليوم، إجيني كتير رسايل عالواتساب والفايسبوك من ناس ناطرة رأيي بموضوع ظهور #هيفاء_وهبي مبارحة بـستاراك وكلّن مستهجنين هالظهور اللي كان كتير أوڤر وزيادة عن اللزوم بالنسبة إلن! ممم… أنا ما فهمت ليه هالقدّ قايمين كلّ هالقيامة على هالفستان ومْقيمين الدني ومش مقعدينها!! أنا بصراحة لقيته روعة الفستان وسوبر سكسي وكلاسي ومش مبتذل متل ما قلتوا! (#زهير_مراد ما بيصمّم فساتين مبتذلة و”تشيب”!) وأنا أصلًا هيك بحبّ #هيفا.. بالشعر الأسود والشياكة السكسية المطلقة! عدا إنّو وجّا كان طالع قمر! وأصلًا مْقابيل اللي صرتوا عم تشوفوا هالإيّام عند الغير، حلكن تصيروا تبلشوا تشوفوا لبس #هيفا عادي من ناحية الإثارة! والفستان أكيد مبطّن متل ما الكلّ مفروض يعرف بقماش علون الجلد بس بيكون بيّن شوي شفاف أكتر من اللزوم، يمكن بسبب إضاءة المسرح القوية كتير، فبيكونوا هيفا وزهير ما انتبهوا ياخدوا بعين الإعتبار هالموضوع.. ويمكن بالعكس، هيك كان بدّا! (حسب ما بعرف كيف بتفكّر..) المهمّ أنا من ناحيتي سوبر عجبني “الشوو” وبالنهاية الدني أذواق، هتى الغنّية ما لقيتها عاطلة بالمرّة! بس أهمّ شي، حسب ما وصلني من الكواليس، كيف اشترطت على إدارة الأكاديمية، ولحتى ما يزيد الشبه بيناتن وتفاديًا لعدم مقارنتن ببعض، طلبت إنّو يغيروا تسريحة شعر وماكياج الطالبة المغربية القمر#إبتسام_تسكت اللّي الكلّ بيشبّهها فيها، خاصّة إنّو طالعين سوا لايڤ بنفس البرايم، فطلّعوها لهالمعترة بطلّة أكتر من بسيطة مع أنجأ شويّة مايك-أب على غير العادة، متل ما طبعًا لاحظتوا! (It’s like so Haifa, lol) #مش_غلط #حقّها
