12390892_10156377122990084_4591745072915208822_n

ملفّ قديم / جديد صرلي فترة زمنيّة طويلة نسبيًّا عم بشتغل عليه من تحت الطاولة وكنت عم ببرع صراحة بتحريك الأمور على كيفي.. المهمّ هيدا الملفّ صار فيه updates فضائحيّة جديدة ومهمّة كنت أساسًا على علم بأغلبها، المهمّ صار عبالي إكشفه كلّه سوا للرأي العام وبيتعلّق بهونيك فنّان / زبالة أنا طول عمري بعرفه هيك إلّا إنّو الرأي العام البسيط مغشوش فيه!! إنّما هيدا الملفّ تحديدًا ما رح ينفتح إذا الجهّة اللي أنا وهي محسوبين على بعض بْتُطلب منّي عدم التدخّل.. ساعتها رح إحترم طلبهن لأنّي من الآخر بموت عليهن وما بحبّ زعّلهن منّي كرمال واحد نصّاب فاشل ما حقّه فرنك وأنجأ بيسوى سرمايتهن! ما رح وضّح كتير هالمرّة لأنّي ناطر بصراحة بهالكم ساعة (بفعل فرق التوقيت بين بلدهن وبلدي) ينردّ عليّ سلبًا أم إيجابًا! #قولوا_الله هاها!!

بهالوقت أنا رح إنسحب شوي من أجواء الـsocial media لأنّي صار لازم إنشغل شوي بأجواء الأعياد عمومًا وبكم شغلة خاصّة صار لازم شهّل فيهن خصوصًا! بس أكيد ما رح إنسى عيّد أحبابي وأخواني المسلمين بأطيب التهاني بعيد المولد النبوي الشريف وكلّ عام وإنتوا بألف خير!! #بحبكن_كتير