ردّ #اليسا
#اليسا ردّت عالصورة اللي نشرتلكن ياها الصبح وقالت بالتويتر الخاص فيها انو هالصورة تلقّتها من أحد المعجبين، ففكّرت بلحظتها إنّو هالحضور كلّه إجا كرمالها، فنشرتها! ممم… طيّب لنفترض إنوّ حبّينا نحن كمان بـ#لحظة_غشمنة نصدّقها.. فالسؤال رح يبقى: “قدّي مْصَدْقها حالها هالمرا لحتى ممكن تفكّر للحظة إنّو هالجماهير كلّها إجت كرمالها؟!!” ولِك إذا مادونا نفسها ولّا بابا روما نفسه كان عنده ظهور وبعتوله متل هيك صورة، رح يتّصل برويترز لحتى يتأكّد إذا مظبوطة هالصورة ولّا فوتوشوب! هاها!! يا ديلّلي عليها! الواحد بعيشها شوي بس إنّو مش هالقد! #بدنا_نروق كنت عم فكّر المرة الجايي إرجع إبعتلها هالبوست خالص مخلّص لحتى تْسقْطه عندها متل ما هو بأولّ حفل إلها رح تعمله انشالله ببيروت! هاها!! هيك حرام ما منكون كسفناها ببلدها الأمّ وقطّشناها عن هالحالة الوهم الشرسة اللي بتضلّ عايشتها! لوووووول
