بخصوص المخرج السوري المبدع والمثقّف جدًّا جدًّا جدًّا والصديق الغالي جدًّا على قلبي سيف الدين سباعي وبخصوص كلّ هالقيامة اللي قامها البعض الفاشل والدراماتيكي و”الوطني” عليه! كلّ كلمة قالها بالمقابلة الصحفيّة الأخيرة اللي أُجريت إلو عن رأيه ببعض الممثّلين وبالأخص اللبنانيّين، أنا معو فيها ميّة بالميّة ومن رأيه تمامًا! فـ#بغضّ_النظر، إنّو الزلمي قال رأيه بكلّ رقيّ واحترام ودفىء وشفافيّة (كوني سمعت المقابلة المسجّلة كلّها وبتفاصيلها ووقعها عالسمع بيختلف من السما للأرض عن وقعها عالمكتوب) الزلمي بيبقى حرّ يقول اللي بدّو ياه!! شو إلكن معو؟ هو ما جرّح بالكلام وعارف منيح شو عم يحكي بحكم خبرته اللي عمرها سنين! طيّب شو رأيكن إنّو أنا كمان بعدني لهلّأ بلاقي التمثيل اللبناني عبارة عن إستعراض وبس! (إنّو أنا كيف فيني إقتنع بواحد “طانط” جايبينوا ليمثّل دور الفحل وهو ناتِفلي حواجبه “ستيل” أرفع من حواجب ‫#‏سيرين_عبدالنور‬، أو وحدة تانية بتحسّوها رح أجلْكُن “تعمل تحتها” لتكرّ دمعتها على خدّها ويا ريت عم تنزل، على شرط لو ما فلوس زوجها، ما كانت أصلًا شمّت ريحة البلاتو، ووحدة تالتة بيحتار المخرج على شو يركّز، ويلو يركّز على صدرها السيليكون ولّا شفاتيرها، ولّا خلفيتها كونه آخد الأوامر منها إنّو يركّز على هول قبل وجّها لزوم دوام شغلها الثاني على شرط إنّو ما يقربوا كتير البروجيكتور عليها حتى ما تفقع) إنّو بصراحة هيك “أجواء” تمثيليّة كيف بدّها تقنعني إنّي تابعها؟!! يا بيكونوا “أوڤر” سخيفين، يا “أوڤر” دراما، يا “أوڤر” مايك-أب هنّي وعم ينوحوا ولّا هنّي وقايمين من النوم! ما بحياتن عطيوا الدور حقّه عالقدّ! حتى سيناريوهاتن!! يا كتير ركيكة! يا كتير محمَّلة “عواطف وإستعطاف”! طبعًا أنا ما عم بشمل الكلّ، إنّما النسبة اللي عم بحكي عنها هي نسبة كتير كتير كبيرة! شفتوا ليه بعدني لهلّأ ولا مرّة اعطيت رأيي بمسلسل أو فيلم لبناني؟ لأنّي أساسًا ما بحضرن! مش بإيدي يا جماعة! يعني ‫#‏الحمدلله‬ إجت الموجة تبع خلطة الجنسيّات العربيّة ببعضها لحتّى يِكِسروا من بعض وياخدوا ويعطوا لبعض! ولاحظوا كيف قيمة الممثّلين اللبنانيّين ارتفعت شوي لمّا انخلطت مع الممثّلين السوريّن والمصريّين المخضرمين! إنّو بشرفكن، ما نضحك عبعض، أنا بعتبر إنّو لبنان بلد مبدع بالغناء والفن الغنائي والطربي، سوريا مبدعة بالتمثيل والفن التمثيلي الدراماتيكي ومصر بالاتنين!! ما تقوموا هلّأ تعملوني أنا كمان واحد خاين وغير وطني وعميل لأنّي اعطيت رأيي بممثّلينكن وممثّلاتكن اللبنانيّي وتْربحوني جميلة كيفني قاعد ببلدي و#بفلوسي متل ما كم فاشل وفاشلة عملوا بالزلمي و”خلطوا شعبين برمضان”!! إنّما‫#‏كلمة_الحق_تقال‬ بيضلّ تمثيلنا اللبناني أظبط بـ”زيليار” مرّة من التمثيل والدراما الخليجيّة!! هوليك ‫#‏يا_ديلّي‬ عليهن! ‫#‏عالم_آخر‬ من “الأجواء” الأخرى اللّي ولا كلّ الأجواء! ‫#‏كاتاستروف‬ وتعتير_توتال بكلّ شي!! و#كلّو_يعني_كلّو من دون أيّ إستثناء!‫#‏ملاحظة‬: يلّي مش من رأيي، بليز ما يعذّب حاله ويعلّق! حريّة الرأي الآخر في حال ما كان من رأيي ‫#‏للأسف‬ غير مرحّب فيها ‫#‏كالعادة‬! (بالنتيجة مش عم نحلّ أزمات الشرق الأوسط هون!) ‫#‏مواه‬